Ansprache von Horst Jens Jacobsen, Tinnumer Biike 2001

En hartelk Welkemen ali Tinumböör, ali Naibern en fuer alen Dingen uk die Baarilir, wat en des Jaarestir üüs Ailön besjuk, sa sen üüs besonders hartelk welkemen. Uk ön't Jaar 2001 früügi ik mi diaraur, dat saafuul Liren tö üüs Biiki kemen sen, om bi üüs söl'ring Tradition diarbitöwüsen. - En waarlich lung Tradition. - Aur hönert'en fan Jaaren her die Biiki sik en gur en slecht Tiren holen, en langsen he sik di Büki di Tir önpaset. Di Heidentum es lung forbi en aurüten.

Om lefsten bisen wü üüs üp di Tir, hur dit Jöl, üs gurt Faarwell fuar die Seelir taacht wiar. Feert ja dach fuar en lung Tir fan Itüüs ütfan, aaft fan Februar bit hentö Oktober/November üt om en paar Skelinger tö fortünen. En jaa kürt ütfan, iin ön en hart Warel, aaft al me 13 of 14 Jaar, litjet tö üten en fuul hart Aarber teft üp jam. Gefaar luuret aural.

Hat jaav jit niin Deekka, GPS of sawat, knap jens en genau Seekaart. Di gurt's Helper wiar di Sen, Muun en di Stiarne. Tö di Tir jaav dit binai niin Hüs of Famili üp Söl, hur ek truret waar, om ek tömenst jen Ain wat üp See bleeven wiar. Üp di üder Sir haa danen, wat töbekkam die Grundstock diarfuar ler, dat en paar Skelinger muar üp Söl wiar. Dach wat fuul wichtiger wiar, ja haa diarfuar sörigt, dat die Dreenger en jung Kaming en ünskeks gur Ütbilding ön die Seemanskaft ön die Navigation fing. Dit wiar gur diarfur dat söl'ring Seelir aural üp di Warel welkemen wiar en leter üs gur Koptain's di Warel beraiset haa. Sa ken wü dit eederles bi Jap Peter Hansen of sin Dreeng C.P. Hansen.

Deling nü es die Biikijöl en Tradition, di wü hol üüs Gäste wechi (Baarilir) en diarme uk di Biwüs bring, dat wü jit diar sen, dach fuul wichtiger es, dat dit üüs Spraak jit jeft. Hat es san dialk Spraak, om ken sa fuul, sa nett sü. Hat jeft binai nün hart Uurt diarön.

Di Warel wiar om en gurt Perl aromer, wan dit die sölring Spraak jens ek muar jaav. AI danen, wat jam me di söl'ring Spraak sa ünskeks fuul Mait dö, fan des Stiar üt, en gurt Anerkenung en en fuul Dank. Al die Freemern, wat meen, dat ja üp Söl, wat tö süen haa, waar sik en gurt Gifallen diarme dö, wan ja di söl'ring Aart en Wiis önerstaat. Diarme waar ja sik üp Söl en ön di Warel fuul muar ön Onsen biwaari, üs ja dit deling see ken. Di Bundesregierung en die Landesregierung önerstaant di Friesisch Menerher jedenfalls. Nü kum it tö't fuul Dank siien: AI di Helpers fan die Gimündi en di Fuürweer uk die Dreenger, wat frümaaket ur skel, danen holpen haa, dat wü jaarelung weder san gurt faine Büki fingen haa. Fuar al jaar Mait, ön des Stair rocht fuul Dank. Ik maat uk ek auriit, danen, wat bütlön sen tö biteenken en grööt aaltermaal, wat nü ön üüs Büki üp Söl en jaar Itüüs teenk en leeng. Wel wü nü höpi, dat dit jit fuul Jaaren sa bleft. En nü wel wü mearküder (töhop) altermaal 2 Verser fan Üüs Söl'ring Lön sjung.n hartelk Welkemen ali Tinumböör, ali Naibern en fuar alen Dingen uk die Baarilir, wat en des Jaarestir üüs Ailön besjuk, sa sen üüs besonders hartelk welkemen. Uk ön't Jaar 2001 früügi ik mi diaraur, dat saafuul Liren tö üüs Biiki kemen sen, om bi üüs söl'ring Tradition diarbitöwüsen. - En waarlich lung Tradition. - Aur hönert'en fan Jaaren her die Biiki sik en gur en slecht Tiren holen, en langsen he sik di Büki di Tir önpaset. Di Heidentum es lung forbi en aurüten. Om lefsten bisen wü üüs üp di Tir, hur dit Jöl, üs gurt Faarwell fuar die Seelir taacht wiar. Feert ja dach fuar en lung Tir fan Itüüs ütfan, aaft fan Februar bit hentö Oktober/November üt om en paar Skelinger tö fortünen. En jaa kürt ütfan, iin ön en hart Warel, aaft al me 13 of 14 Jaar, litjet tö üten en fuul hart Aarber teft üp jam. Gefaar luuret aural. Hat jaav jit niin Deekka, GPS of sawat, knap jens en genau Seekaart. Di gurt's Helper wiar di Sen, Muun en di Stiarne. Tö di Tir jaav dit binai niin Hüs of Famili üp Söl, hur ek truret waar, om ek tömenst jen Ain wat üp See bleeven wiar. Üp di üder Sir haa danen, wat töbekkam die Grundstock diarfuar ler, dat en paar Skelinger muar üp Söl wiar. Dach wat fuul wichtiger wiar, ja haa diarfuar sörigt, dat die Dreenger en jung Kaming en ünskeks gur Ütbilding ön die Seemanskaft ön die Navigation fing. Dit wiar gur diarfur dat söl'ring Seelir aural üp di Warel welkemen wiar en leter üs gur Koptain's di Warel beraiset haa. Sa ken wü dit eederles bi Jap Peter Hansen of sin Dreeng C.P. Hansen.

Deling nü es die Biikijöl en Tradition, di wü hol üüs Gäste wechi (Baarilir) en diarme uk di Biwüs bring, dat wü jit diar sen, dach fuul wichtiger es, dat dit üüs Spraak jit jeft. Hat es san dialk Spraak, om ken sa fuul, sa nett sü. Hat jeft binai nün hart Uurt diarön.

Di Warel wiar om en gurt Perl aromer, wan dit die sölring Spraak jens ek muar jaav. AI danen, wat jam me di söl'ring Spraak sa ünskeks fuul Mait dö, fan des Stiar üt, en gurt Anerkenung en en fuul Dank.

Al die Freemern, wat meen, dat ja üp Söl, wat tö süen haa, waar sik en gurt Gifallen diarme dö, wan ja di söl'ring Aart en Wiis önerstaat. Diarme waar ja sik üp Söl en ön di Warel fuul muar ön Onsen biwaari, üs ja dit deling see ken. Di Bundesregierung en die Landesregierung önerstaant di Friesisch Menerher jedenfalls.

Nü kum it tö't fuul Dank siien: AI di Helpers fan die Gimündi en di Fuürweer uk die Dreenger, wat frümaaket ur skel, danen holpen haa, dat wü jaarelung weder san gurt faine Büki fingen haa. Fuar al jaar Mait, ön des Stair rocht fuul Dank. Ik maat uk ek auriit, danen, wat bütlön sen tö biteenken en grööt aaltermaal, wat nü ön üüs Büki üp Söl en jaar Itüüs teenk en leeng. Wel wü nü höpi, dat dit jit fuul Jaaren sa bleft.

En nü wel wü mearküder (töhop) altermaal 2 Verser fan Üüs Söl'ring Lön sjung.