Ansprache von Maike Hauschildt , Hörnumer Biike 2002

Lef sölring Lönsliren!

Wü stuun nü fuar üüs Biiki jir ön Hörnem, en Stak fan duar Twichen en Bosker. Wü wel Faarwel sii tö dit Uals tö di Wunter, sa üüs dit al ön ual Tiren di Sölring dön haa. Ja ser Faarwel uk tö jam ainen en ging da oft fuar lung Tir fan Söl, maning bleew Jaarende, of gans üp See, en kam ek muar Tüs. Deling sen dit ek muar sa hart Tiren, man wü weet uk et wat üüs di Jaar jit bring skel. Wü wel langsen hol alis nii haa. Nii skelt, dit Niis skel üüs Lek bring. Man diarbi aurriit *[wü waker salev bliiv wü, dan diar wü sen Dreck ek töwaker me dit] Uals, luki beder wat ken man mees en hur keen man üp dit Uals apbech.

Üüs Jungen haa jam Tochten maaket, wat ja ölers haa maat. Harki tö: Di Skuulwaier sen junk stuun öner Weter en die Wainer susi man sa ön die litji Straaten en ön Gers diar liit di Hünskiit - Dit es ek spaasig. Di Maaleri ön die Bus - enigen maaki dit - en ali fuar Arighair.

Wat keen wü salev maaki? Saamli di Hünskit iin da ken üüs Jungen, önt Gers spöli. Kör lungsaamer, da kö ja uk weder ön litji Straaten spöli. Ber bi di Geminde om muar Leecht en dat dit Weter beter oflop ken. Dat di Jungen jam seker föl ken. En pleegi din Terp, sa dat dü en ik en uk fremern jam welköl ken! Hat es fuul todön jit ön't Terp, let üüs bigen diarme me frisk Macht en Muar, nü ön di nii Jaar!

Uurs kum, ja kum en maaki di Daagen leenger, let üüs aurrit die Wunter streenger, let aur Mark en Hir de Fugler sjung, en die Krölen bloomi hur wü gung. Dit skrew Jens Munkgart en Rocht her hi, dit Leewen ken sa fain wiis.

Biike fan Söl, helig ual Jöl, flami ap üs dü det altert hest dön.

*) vom Fax verschluckte, schlecht lesbar Zeile