Ansprache von Maike Hauschildt, Hörnumer Biike 2004

Lef Sölring Lönsliren en Frinjer

I stuun nü jir bi üüs Biiki en teev diarüp dat dit Jöl tjenet uur. Man ik wel jit fuarof jit en paar Uurter luas uur aur üüs faine Hörnum. Jir ön Hörnem ken wü gur reekni. Dit es seeker!

Jir telt man ales töhop of man jens wat heer of uk filecht jens faa skel, saacht dit salevki man tö man tö hat maaket höm langsen gur wan diar fuule en hoog Talen stuun. Lewer sok Talen üs niin? Naan,meent me jens jir hok!

Tö Lek jeft dit jaa Mensken dan waker sa jen Fail fin ken. En da man gau söner fuul aurliien wech me di di ek rocht reekni ken fuar dit ken em ek bikent wiis dat diar bi üüs jen mung es wat ek reekni ken. Wat en Lek hat kostet üüs ek fuul jen üp di Straat tö seeten, en wan dit haa wü ön üüs rik Hörnum lecht jit töaurs. Filecht heer man me en bet muar aurliien Jil spaari kö? Hat es nü waker jen fünen üp di wü da weegi ken: Didiar, di es skiilig

Man skul wü ek beter aurlii en sii wü sen skiilig, haa wü dan wü ales sa fuul beter weet ek uk Skilj. Ik meen ja en Diil falt üüs uk tö .

Hurfuar? Jir ön üüs Terp uur fuul snaket aur di Jen en di Üder. Man hat fin ek sa maning di Wai hen tö di Üder om maerküder eder jen Ütwai tösjukin. Ik wenski me fuar des Jaar muar Maerküderhair jir ön üüs litj Hörnum. en wan wü üüs muar enig wiar, heer wü wes uk niin Aangst muar me di üder Terper üp Söl techter töhop töaarberin.

Wü ali jir üp Söl leewi fan des Ailön, diar skul wü dach noch uk töhop fuar üüs Ailön iinstuun. En ik sen lekelk dat ik jir ek alinig me des Meening stuun. Ik wenski üüs ali en gur Jaar dat wü me üüs Baariliren gur törocht kum en dat ja ön Seekerhair en ön faini Strönkurever dit Strönlewin me üüs gineet ken. Jen Uurt jit tö üüs Uuniger fan Bund ik fin d es en Skandal hudeling en Terp üs Hörnem önsteeken maaket uur. Ik sen bang wan ik ön üüs Jungensguarter en Skuulen teek. Wat skel blat uur? Juu ali en faini Biiki

Biiki fan Söl
Helig ual Jöl
flami ap
üs dü dit altert heest dön.