Ansprache von Alfred Knutzen, Westerländer Biike 2006

Lev sölring Lönslir, weller es jen Jaar vergingen, diar wü üüs raaket haa, om de Biike en Piddersdai tö fürin. En wan wü töbeekteenk, üs Söl en arem Stek Lön wiar en de miist Lirren hiar ek noch tö iiten, da wiar die Wunter fuarbi en hat ging wello üt ön de Warel, om Jil tö fuarttiinen. Man ek bluart de Seelir ging fan Söl, naan uk danen jung Lir, wat ek noch tö gaachen hiar. Somen fuan jaar gurt Lek en maning hiar Leengskür en kam weller töbek. Man uk hocken, danen me vuul Hööp ut ön die Warel ging, sen ek weller aapdaachet. Sa haa de Sölring Lir wes Jaarhönnerten ön gurt Aremmurrighiar man uk töfreer lewet:

Wann de Buuren tö Piddersdai bi tö fulerin wiar, da waar ek sa aaset, fuar ja siar: tö Piddersdai sen wü man jest huarlevwai.. En uk di Wüfhaur samelt me vuul Maid Sjiplurter, Hiirkrür en Kükakken fuar juar Jölling en siar da, wat sen man jest hualevwai..

Üs tö di Jen fan die leest Jaarhönnert de jest Baarilir kam, waar de Tiren wat beter üp Söl. En üs da 1927 de Hindenburg-Damm becht waar, da ging jir abskeilich barich ap. De Hunaarberer kam ön de Gang en Buuren würret jaar Stiarer üt. Ön Weesten, Nuuren en Sülern becht em Logier-Husinger. En üs da 1945 de taust Krieg tö jen wiar, becht em ek bluart ön weesten, naan uk bigent em, de Staller oftöriifen ön Appartements tö bechen. Fan 250 Buurenstiarer sen delling jit 35 aurblefen. Uk wan Söl ek uar sönner Baarilir levi ken, wenski wü üüs dach, dat et ek langsen muar uur me danen fremer Lir üp Söl, fuar üllers kumt dit sa für, dat üüs Jungen en Jungensjungen niin Uuning muar üp üüs Ailön finj kenn. En nü wenski ik jun altermal, lev Sölring Lönslis, en faini Biike en en nett Piddersdai.

Did hee sich nö aber ennocht Wail üs Weterlöning bür Bürgermeisterin Petra Reiber und Bürgervorstehering Gerda Wimmer, der vor sik inset ho dad jung Sölring Löron wella uning üb söl voken. Ön de Bundesuning Spiegelanten uok abot ur.