Ansprache von Maren Jessen, Norddörfer Biike 2010

Lef Iinuner fan Wonningstair- Brererup en Kaamp, lef Söl`ring Lönslir !

Sa üs üüs Fuarfaaren, sen wü deling weder töhopkemen tö di Biike –Jöl, bluat me di Forskel, dat wü ek üüs Karming, Faadern en Dreenger faarwel sii skel.

Man aurdat wü wunterums desjirem Tradition fan Giminskep en Töhophual plege. Fuul Söl`ring Lir , wat in üder Diilen fan Dütslön uuni en aarberi, sen deling önraisit, aurdat ja jüst didiar Gifööl fan Stolthair en Verbünnenhair bi di Jöl belewi wel. Didiar Biikejöl es niin Touristenatraktion, man dit skel me di Pidersdai üüs fest for di Söl`ring Lir bliiv.

Wü begrööt likerst alle Gasten fan Bütlön en früge üüs, wan ja diilhaa ön üüs ual Brük. Brükdoom, Giminskep en Identität sen en kostbaar Gur uuren üp des Ailön.

Üüs Spraak ur man bluat jit ön di Uast – Terper fan som Familien tö di Jungen en Jungensjungen förter dön. Üüs Generatsjoon he de gurt Forswaaring for dit Förterbistuunen fan di Söl`ring Spraak en Brükdoom. Di swaar Balans twesken di Önerhualing fan di Infarstruktur en diarme di Seekering fan Aarbersplaatsen for Söl`ring Lir en Mensken fan`t nai Faastlön es ek lecht. En senig Omgang me di Natuursjutsbiriken en frii Lönsteken skel em Her aur uur. Dit es all fuultirs ek leket!

Wü Wonningstair-Brererup-Büür en Kaamp-Bür sen bliir diraur, üs Nuurdterper töhop for en Tourismus tö aarberin, wat for üüs Ailön gur tö fordraien es.

Di gur Forloop fan üüs Aarberin he en Teeken seet en wü kör belewi, wat Söl`ring Lir biweegi ken, wan ja töhophual. Di Nuurdterper- Büür stuun for dit Tiariarler me en gur Kwaliteet ön di Tourismus, sonder date m di Identiteet en sin Handelswiis forlees skel.

Langsen weder skel wü üüs Bütenbiriken biwaari, diarme ark Terp sin Karakter bihual skel. Dit Ual skel likert dit Niis wik, söner dat des Ailön diarbi tö Skanen kumt. Wü skel üüs Forswaaring diarfor keen, aurdat di naist Generatsjoonen uk fan di gurt Dialkhair fan Söl lewe skel.

Wü haa des Ailön ek arewed, man fan üüs Jungen en Jungensjungen lent.

Ik wenski altermaal en aur di Maaten faini Inj bi Greenkual me gur Önerhualing en fuul Formaak bi di „ Söl`ring Pidersdai“